Галоўная
ФУТБОЛЬНАЯ АКАДЭМІЯ “FAIR PLAY” - ТОЛЬКІ ШЧЫРАЯ ЛЮБОЎ ДА ФУТБОЛА! Запрашаем хлопцаў 1999/2000, 2001/02, 2003/04, 2005/06, 2007/08, 2009/10 г.н. у першую прыватную футбольную акадэмію Гродзенскай вобласці якая плённа працуе ў Ашмянах з 2012 г.! У сваёй працы мы арыентуемся на вопыт вядучых футбольных краінаў і ставім сабе за мэту развіццё масавага футбола. Для таленавітых і мэтаскіраваных, мы даем магчымасць паспрабаваць свае сілы ў прафесійных футбольных клубах. Для тых, хто не імкнецца зрабіць кар'еру прафесійнага футбаліста, трэніроўкі па футболе не зробяцца пустым марнаваннем часу. Наадварот - лепшае, што ёсць у дзіцячым футболе - гэта не выматваючая гонка за кар'ерай, а карыснае захапленне дзіцяці, якое паляпшае здароўе, фармуе характар і дазваляе знайсці шчырых сяброў.У футбольнай акадэміі навучальны працэс пабудаваны такім чынам, каб дзіця з задавальненнем наведвала трэніроўкі. Сучасныя дзеці ўсё больш часу праводзяць каля кампутара. Наша місія - прышчапіць захапленне, якое паспрыяе іх гарманічнаму развіццю ў маральным і фізічным плане, а таксама паўплывае на выхаванне паўнавартасных, усебакова развітых асобаў, якія будуць адаптаваныя да жыцця не толькі ў футболе! Мы ганарымся тым, што ў нашай футбольнай акадэміі адсутнічае адбор, паколькі кожнае дзіця мае права праявіць сябе. У нашай футбольнай акадэміі мы не патрабуем ад выхаванцаў перамогі любой цаной. Мы прывіваем шчырую любоў да футбола як да гульні і навучаем дзяцей прынцыпам “FAIR PLAY” (шчырай гульні) як на полі, так і за яго межамі. У футбольнай акадэміі, пры падрыхтоўцы, мы звяртаем найбольшую ўвагу на атрыманне дзецьмі задавальнення ад трэніровак і спаборніцтваў, а таксама на паступовасць у развіцці футбольнага майстэрства нашых выхаванцаў. Прывёўшы сваё дзіця ў футбольную акадэмію, Вы можаце быць упэўнены, што яно ў надзейных руках, і мы прыкладзем максімум намаганняў для ажыццяўлення футбольных мараў Вашага дзіцяці!
Кантактная асоба: Кушнер Аляксандр
Маб. тэл.: +375 29 6665484E-mail:
Далучайцесь да нашых групаў у сацыяльных сетках!АДНАКЛАСНІКІ - У КАНТАКЦЕ - ФЭЙСБУК